حيـــــــــاه (جميع الحقوق غير محفوظة)0

ديموقراطية العيال وديموقراطية حسني

2007-12-23T04:35:00.001-08:00

دي انتخابات فصل في الصين .طبعا الفيلم حقيقي وده اول جزء منة وهي المناظرات مابين الثلاث متنافسين المرشحين لامانة الفصل...تعال نتعلم ومش مهم احنا قد ماهو مهم اللي في بالي يتعلم ياربنا يخده .الموقع اسمه
why democracy?
يعني لماذا الديموقراطية؟ والفيلم اسمه من فضلك صوتلي

اين علم مصر؟؟؟

2007-10-07T10:32:00.000-07:00

صورة الشيخ ياسين وسط مدخل نقابة الاطباء
كان فيه حفل افطار في نقابة الاطباء بالبحيرة وانا كنت حاضر..بس لاحظت حاجة (مش غريبة) ان مبني النقابة به عدد كبير من اعلام لبنان وفلسطين وصورة كبيرة للشيخ احمد ياسين في صحن المدخل ..وللعلم الاخوان المسلمين هم المسيطرون علي النقابة وانا غير معترض علي الاخوان عمال علي بطال وافضلهم بكثير عن ما اذا استولي علي النقابة مجموعه من الفسدة الموالين لمصالحهم وللنظام .ولكن اليس لبلادنا( اسمها مصر علي فكرة) حق علينا باي شكل مش اشكال التدعيم..وانا اقول اشكال حتي لا يرد علي احد من اصدقائي الاخوانين ويقول لا ياسيدي عملنا لمصر كثير فمنعا للنقاش انا اتسائل اين علم مصر بنقابة الاطباء الموجودة بارضها ..السنا في بلد مليئ بالمشكلات والاوضاع السيئة التي تستحق منا بكل توجهاتنا ان نقف بجانبها ....؟؟؟؟؟؟

والسؤال الاخير اين علم مصرنا واين مناضلي مصر(لا اقصد ايمن نور)؟ وان لم يكن
وجود العلم مهم فلماذا وجود اعلام لبنان وفلسطين وصورة المناضل الشيخ ياسين؟

ياولاد الكلب (الجزء الاول)0

2007-09-14T05:01:00.000-07:00

هات عشرة جنية من هنا وعشرين من هناك وجمع فلوس علشان نعمل يفت تهنئه برمضان . دي فيها حاجة ؟ ...ايوة فيها فيها اسم ايمن نور وفيها كمان لا بجد لا لكل وضع غلط فيه ظلم واهانة ...ايمن نور واهانة وظلم يبقي فيها اكيد غلط ... وعلي راي صلاح جاهين

انا لافي ايديا سيف ولا تحت مني فرس

بص اية الحكاية من الاخر امن الدولة والنظام هنا في البلد دي مش عايزين اسم ايمن نور الناس العادية تشوفة ولا تفتكرة باي شكل من الاشكال ..واحنا طبعا حزب الغد وده زعيم الغد المحبوس خمس سنين يعني دي اقل حاجة تتعمل ..فطبعا مش عاجب النظام كدة ..طيب احنامسكين سلاح ؟ طيب احنا مكونين ميلشيات ؟ ..طبعا لا..امال خيفين مننا لية مرعوبين من اية ....بعد معلقنا اليفت دي العصر كنت قاعد علي قهوة الساعة 12 او 1 بالليل لقيت فرد امن دولة و 3 عساكر بيقطعوا اليفتة دي وكمان سابوا اليفت التانية بتاعت اعلانات المحلات وكدة ...يبقي ولاد كلب ولا لا

العربية دي وقفوها عافية علشان يعرفوا يقطعوا اليافطة

وادي اليافتة ام 90 جنية اتقطعت وطبعا ده مش عارف اليافطة دي بكام ولا حاسس

اتكلفت كام لانة ببساطة كل امن الدولة عايشين سفلقة

وقد انهي النتحاريون المهمة المستحيلة التي تحتاج بالفعل لرجال لاتعرف المستحيل وهم الان يحاولوا

تشعيل دراجتهم البخارية وهي للمعلومة من افضل الانواع بالعالم ...بالفعل كوماندوز بحق

انتظروا الجزء القادم من يا ولاد الكلب ولكن السؤال هل لهذه السلسلة من نهاية ...سلام

(N90)ولا انسي الشكر الجزيل لصديقي الذي اسعفني بمحموله

بتصوير هذه المشاهد

انتظرونا في يا ولاد الكلب باجزاءه

2007-09-13T06:51:00.000-07:00

اليوم اول يوم برمضان كل عام وانت طيبين وعايشين بسلام دون مهانة او اهانة.غدا او بعد غد انتظرونا في اول جزء من ( يا ولاد الكلب ) بالصور .....انا عارف رمضان يحب الادب علشان كدة سميت الحلقات يا ولاد الكلب بس ..ممكن بعد رمضان نزود شوية في العنوان...كل عام وانتم بخير

فرصة عظيمة وعرض مغري

2007-08-27T05:44:00.000-07:00

اسرة مصرية مكونة من اب. ام . 5 ابناء. لا وجود لعاهات او امراض معدية لا تدفع قبل المعاينة امام وزارة المالية .العرض صالح للدول العربية ولرجال الاعمال ولمزوري الانتخابات

العرض مغري.مع تسهيلات اكثر ان اخذت السبع حتت شروة واحدة. والدفع نقدي ***الوسطاء يمتنعون***

جلست أسرة مصرية مكونة من أب وأم و٥ أبناء، علي سلم وزارة المالية في مدينة نصر ظهر أمس، ورفعت لافتة مكتوباً عليها «رسالة إلي سيادة وزير المالية.. للبيع عائلة مصرية ألا أونا.. ألا دو.. ألا تري»
قال الأب مصطفي حسني، الذي يعمل مقاولاً لـ«المصري اليوم»: كنت أعمل في العراق قبل ١٥ سنة وكان بصحبتي زوجتي آمال وأبنائي عصمت «١٨ سنة» وصدام «١٠ سنوات» وهمت «١٢ سنة» وعراق «٦سنوات» وبهاء «٥ سنوات».. أدخرت مبلغاً كبيراً في البنوك العراقية، وبعد العدوان الأمريكي علي العراق،
عدت إلي وطني عام ٢٠٠٥ ولكنني عدت دون أموالي المودعة في البنوك، رجعت بسيارة ملاكي فقط، وللأسف أثناء دخولي إلي مصر، فوجئت بمصلحة الجمارك تطلب مني ضعف ثمن السيارة، تركت لهم السيارة وأخذت أولادي وتوجهت إلي مسقط رأسي في أسيوط، دون أن يكون في جيبي جنيه واحد».
وأضاف الأب: «حاولت جاهداً من خلال خطابات واستغاثات لوزارة الخارجية التدخل لإعادة أموالي، واستغثت بوزير المالية لإعادة سيارتي ولكن لا شيء يحدث إلي الآن، لم أجد غير بيع أبنائي حتي يستريح المسؤولون من استغاثاتي».

****خبر من جريدة المصري اليوم****

يبقي انت اكيد في مصر

2007-02-11T15:50:00.000-08:00

دي يعتبر نص البلد وعلي فكرة المنطقة دي مكان مؤتمر ايمن نور وجمال حشمت

حي ابوعبد الله ....وعلي فكة احنا مش تربتنا طينية

شوف الشغل الجامد (الله ينور يا رجالة)1

فيه حاجة انا حاسس انها وصلت غلط للناس اللي علقوا بس مش من دمنهور .الناس حست ان دمنهور دي بلد متخلفة حضاريا قرية مثلا..لا يا جماعة الخير دي مدينة كانت مش وحشة ..المتخلف هو عقول المسؤولين بس

انا من البلد دي ...انا من البلد دي

2007-02-01T15:47:00.000-08:00

في اي بلد متخلف هتلاقي كدة ؟

( لا تعليق بس خلي بالك مكتوب اية علي الحائط (النظافة من الايمان

ده مش بحر لا ده بحر من مياه الشتاء والطين . امام منزلي . وطبعا واضح انه شارع عمومي

(نهاية 2006 بداية 2007)

الصور: لحي ابو الريش بدمنهور

الشكر الجزيل للزميل الاستاذ : حسام صقر

انتظرونا في صور باقي الاحياء

ياتري يا هل تري النقاب فريضة ولا لا ؟

2006-12-07T16:55:00.000-08:00

لو عايز تعرف لوحدك النقاب فريضة او حتي مطلوب او حتي اي حاجة في اي حاجة شوف الفيديو دة؟

رسالة الي الطيار

2006-11-26T14:38:00.000-08:00

ان كان لك احسابا نرجع اليها لرجعنا ولكن لا نعرف لك احسابا . وان وجدناك بشوارعنا دون من حولك من رجال يُرهِبون لاخبرناك بما في الصدر . يا صاحب السبع والسبعين . يا صاحب اللاشيئ ضقت ومن حولي بك .إن قلت ومن حولي فقد صدقتك اخوتي بجامعاتهم ,امي بعملها , اقاربي جميعا , اصدقائي العاملين والعاطلين, بائعة الفاكهة , موظفي الحكومة , ارباب المعاشات , الشباب , النساء المتعلمات , ومَن حظهم لا يذكر من التعليم , حتي لي اصدقاء اعضاء بحزبكم ضاقوا بك ايضا , خدعوك فاخبروك ان كل هؤلاء موتورون . من وضعوا علامة علي اسمك بالانتخابات واقصد علامة غير مزورة . اما دٌفع له مال او ممن يخافون حتي من الهواء الملامس لاجسادهم او مقتنعون فعلا انك الافضل ولكن تلك الفئة الاخيرة قليلة . لماذا تصدقني وانا معارض لسياستك لاني مارست الانتخابات الرئاسية وسئلت هذا وفهمت من هذا واحتككت بهذا . وكنت انت تتابع عبر التلفاز المصري مهلليك. وتنتشي عندما يعيدوا علي اذانك اغنية اختررناك اخترناك . فعلي انغامها غيبت وغيبوك وتيمت بالتغييب . فكلما كنت مغيبا كنت لك معارضا . ولن يكون الا بمرض براسك او بموتك فعندها لن اعارضك. جعلت من بلدي بلد للمعدلات المنخفضة في اي شئ رغم انها كانت بالصدارة بل البادئة المخترعة . عرفنا مصر من تاريخها ومن اعيننا الذكية وعرفناك من افعالك ومن كلامك الذي تجعله طيلة سبع وعشرين عاما بدرجة حرارة الجسد لا نعرفه ساخنا مرة او باردا مرة. قد انسيتنا وفلحت كيف يكون للقائد خطبة قاطعة يستحق نبض القلب منها ان يرتعش . قد انستنا وفلحت كيف يكون المصري شهما دون الاهانة . وعلمتنا التبريرات والمحازير وخلف الشمس و المعتقلات والاعتداءات و علمتني ان اجري عندما اري للمخبر عصاه واجري اسرع عندما اري الضابط يصرخ . وان يجمد الدم في شرايني عندما يلوحوا لي باعتقال او ضرب او طرد. انسيتني وعلمتني كثيرا ولكن اكثر ما يوجع انسيتني الا اكون بطلا الا اقول للظالم لا وقدمي ثابتة . فلا وسبع وسبعين مليون لا فمن اليوم ساتعلم ان اكون بطلا لاقولها لك مرة واحدة تتكرر من الجميع لا صريحة لا صريحة لاصريحة .

انا

مشروع تبادل الفساد والطبيخ بين جمهورية مصر العربيه وامريكا

2006-11-21T13:02:00.000-08:00

امضاء مدير التدريب يوم 12-11

امضاء وكيل الوزارة يوم 7-11

امضاء مكتب المحافظ 5-7 وعلامة استفهام

دي اعلان عن منحة دراسية في مشروع التبادل الثقافي المصري الامريكي . المنحة دي تشمل دراسة لمدة سنتين شاملة اقامة وطيران وفاعليات ثقافية المهم انا جبت الورق ده ليا ولزمايلي علشان قال اية نحاول نحصل علي المنحة دي وصلني الورق يوم 18 -11 المهم بشوف الشروط وبقرأ الورق لا حظت الامضاءات بالتواريخ . ياريت تنزل الصورة دي وتكبرها هتلاقي الاتي
اولا : امضاء مدير مكتب المحافظ بتاريخ 5-11

ثانيا : امضاء وكيل وزارة التربية يوم 7-11

ثالثا : امضاء مدير التدريب يوم 12-11

طيب المشكلة فين المشكلة ان اخر يوم في تقديم الطلبات يوم 7 -11 الساعة 4 عصرا كمان محددين الساعة علشان اجانب مشعرفين حاجة عن مصر والبلاوي اللي فيها . المهم ايه الملاحظة ان البعثة دي مطبخة والكوسة واضحة جامد كل الناس في البحيرة ميعرفش الموضوع الا في اليوم اللي هما عيزينا نعرفه وطبعا ده بعد ميعاد التقديم و ابنائهم وحبيبهم ياخد البعثة مفيش مشاكل اذا كان مفيش الا هو من المحافظة اللي عرف بيها . نشوف التواريخ بالامضاءات . في النهاية هو الواحد مينفعش يستفاد من الحكومة ولا من المحافظة الا لو كان ابوة محافظ حتي لو فينا واحد يستحق المهم ان المنحة دي امريكا بتمنحها علشان الشباب الفائزين بها يخدمم بيها بلدهم . يعني بن المحافظ ولا مدير مكتب المحافظ ولا ابن مدير الامن ولا مدير مباحث امن الدولة هيفيدم البلد ازاي ؟؟؟؟؟ علامة استفهام

كيف لرئيس دولة يسمح بوجود مواطنين بيسكنم بالايجار

2006-11-21T11:01:00.000-08:00

Zayed ( May God Bless Him - video powered by Metacafe

ده مش كلامي ده كلام الشيخ زايد وده لينك الفيديو لو عايز تشوفه وهو بيقول كده وبيحلف انه ميعرفش ان فيه حد في

الامارات لسه بيسكن بالايجار ويستنكر ان ازاي رئيس لدولة يسمح لنفسة بوجود مواطنين يسكنون بالايجار . الموضوع نبعث بهذه الرسالة الي الريس . واتذكر كلام واحد زميلي من خريجي الكليات بعد سؤالي لية ازاي هتجيب شقة او حتي مقدم للايجار وانت بتاخد 300 جنية بالشهر بتصرف اكتر من نصفهم في مواصلات ولبس وغيره ؟ قالي مبفكرش علشان متعبش .. قال الريس انت عيزين تجيبم عيال وانا اجوزهم واكلهم والبسهم فالراجل بعد ما جعلنا نحاول جاهدين الا نفكر فكر في الحل هو الا يتزوج احد والا ينجب اطفال حتي لا نطالبه باكل وشرب وسكن العيال وغيارهم (طبعا لو الكلام ده مظبوط في الامارات يبقي الشيخ زايد ده راجل محترم رغم ان الواحد من اللي بيشوفه شاكك في كل الرؤساء العرب ) في النهاية بقول مبقاش فيه ضمير .

حط الصرصور المحمي

2006-11-18T03:37:00.000-08:00

واحد مصري بيتحطله عصاية في (---)من الباشا

ياريت الاطفال والبنات والمؤدبين جامد ميدخلوش علي اللينك دي

(الفيديو غير موجود لان موقع الرفع اعتبره مخل)
http://www.metacafe.com/watch/294022/police_brutality_by_demagh_mak

ده فيديو تعذيب لواحد مصري في قسم بوليس بيحطم عصايه في(-----) المهم وايه يعني طيب ما الفيديو ده علي معظم المدونات السياسية . لا مش دة الموضوع الموضوع الحوار اللي حصل بين الواحد المصري دة والظابط (الباشا) . لاحظ اية اللي حصل ..

الراجل المصري : لا ياباشا لا ياباشا والنبي

الباشا : يا ابن الــــ والـ الموقف بكرة كله هيعرف الي حصل دة ( طبعا قصدة موضوع العصايه ) علشان تعرف

الراجل المصري : اه ههههه اه

خلص الحوار المتحضر ما بينهم بين الباشا وابن الــ .... واثناء انتهاء الحوار انتهت العصاه من الدخول فيما لا يفيد ماذا نلاحظ من الحديث هذا 1ـ ان هذا المصري ليس بسياسي او ناشط حقوقي او غيرة لان الباشا قاله بكرة الموقف هيعرف يبقي هو اكيد كان اما سواق في الموقف او بلطجي بالموقف . تعال نتخيل الراجل ده بلطجي وقابلك في موقف من المواقف وقالك عافية هات فلوس وانت كرامتك نقحت عليك وقلت لا واعلي ما في خيلك اركبه المهم الراجل جه ساحبك علي غرفة ملحقة بالموقف وقفل عليك وخلص مواعيد البلطجة الرسمية وجالك بالليل وبقيت انت وهو وانا علشان بحكي تتوقع الراجل البلطجي دة هيعمل فيك اية اعتقد انه ممكن يعورك وممكن يضربك جامد جدا ويبهدلك ويشتمك ويهينك بس صعب جدا يجيب عصاية ويحطها في (ــــــــــ) ولو فيه بلطجي هيعمل كدة هيفكر مليون تفكير قبل ما يعمل كدة ومش هيشهر ومش هيصور نفسه وده يودينا للاستنتاج الثاني 2- ان الشرطة او الباشا اخطر علينا بيامة من البلطجية او علي راي اكثر المتفائلين الظابط العادي زي اخطر بلطجي .وسلام

في النهاية هنقول لا صريحة بس والنبي يارب بلاش كده

حاسب الشعب بيقع من العربية

2006-11-15T08:51:00.000-08:00

دي شا حنة زبالة . طيب واية يعني .... مهي لها علاقة بالموضوع

اصل شا حنة الزبالة دي شبة عربية الامن المركزي الي كانت مع المحافظ وظباط يامة 00كانوا - علي حسب تعبيرهم الذي عرف فيما بعد انه خطا - في حملة 0الحملة دي هما مشين في شارع شبر عند المعهد الديني وامامهم عربية الامن المركذي اللي شبة دي وخلفهم عربيات بتعتهم مرسيدس وجيب ووو المهم كان بعضهم بيكشف علي الرخص والاغلب كانوا بيدخلوا المحلات لية مش عارف . فسالت ناس قالت ده فية 22 سائق مخطوفين امس بعرباتهم وبيدورم عليها بالمحلات والاخرين قالم دي حملة مظافة للحي -علي اعتبار ان المحافظ بيشتغل بالليل كناس وبيتعي - بص اية اللي كان بيحصل بيتسلقم علي اي حاجة وبيخدم تبرع عافية للمحافظة 500 والي يتكلم كان بيتعبي مكان الزبالة في العربية دي وطبعا كان المخبرين بيحنفم(كلمه تفيد اخد اي شئ في الزحمه كدة علي الماشي يعني ) منها والواقعة المثبوتة من كلام عمتي منبهات من مكتبة وفي حادثة اخري ارانب . طيب انتم مسالتوش دي مش حملة امال دي اية طبعا دي مش عايزة مفهومية دي كانت بلطجة علي الشعب . رغم ان فية راي تاني بيقول ان المحافظ كان قاعد مع مدير الامن في ساعة صفا مع صفاء ابو السعود والمحافظ قال ده شعب زبالة ددير الامن قاله لا ياراجل دول بهايم بس 0 المهم اختلفم جه المحافظ واخد عربية الزبالة دي وعبي فيها شوية شعب علشان يكسب الرهان ان احنا شعب زبالة 0 وعلي فكرة الرهان كان قزازة صاروح سفن. بس للامانة عربية المحافظ مكنتش حلوة جامد ايوة مرسيدس بس فية احسن من كدة 0 سلام

النسر والرخصةوالقائدوعم سعد

2006-11-13T06:03:00.000-08:00

انتم عارفين النسر علي علم مصر لية؟

علشان ده مش نسر ده عقاب ورمز للكرامة ووووو الكلام ده قلهولنا بالبتدائي بس مش دي الحقيقة

الحقيقة من ناس عارفة اللي بيحصل في البلد ان النسر ده دافع رشوة ايوه دافع رشوة اكتر من اي طائر تاني ....

واحد تاني بيقول انه له اتصالات بيقول ان النسر ده لواسطة جامده في البلد وبالعربي مسنود ....

الكلام ده كان بيتقال من ناس علي القهوة وكان بيسمعهم واحد عايز يعمل رخصة قيادة ضروري . وضحك عليهم وقال الناس دي عبط اكيد المهم راح يطلع الرخصة قانوني وده مش عادي ..المهم سحب الملف ودفع فلوس الكتاب بتاع الكمبيوتر وخد الكتاب وراح البيت يذاكر في الكتاب ...... هنشوف بعد كدة هينجح ولا لأ وهنجيب اعترافات لناس طلعم الرخصه وهنشوف طلعوها من مصر ازاي و ناس طلعم رخص من بلاد متخلفة جنبنا ازاي برضة ...سلام

2006-11-12T14:26:00.000-08:00

بداية المدونة

2006-11-12T09:24:00.000-08:00

النهاردة كنت بجرب كدة . وجيت عامل مدونة وسمتها حياة .
بداية حميدة . وحياه حلوه للنهاية .
احمد الفيشاوي